2024 წლის 3 აპრილს SHAREs პროექტის ფარგლებში გაიმართა პოლიტიკის შემმუშავებელთა რიგით მესამე სამუშაო ჯგუფის შეხვედრა. პოლიტიკის შემმუშავებელთა სამუშაო ჯგუფის მთავარ მიზანს წარმოადგენს საქართველოში ენერგეტიკული გაერთიანებების შექმნის, განვითარებისა და გაფართოების საკითხებზე მსჯელობა და შესაბამისი ღონისძიებების დაგეგმვა.
სამუშაო შეხვედრაში მონაწილეობდნენ საქართველოს ეკონომიკისა და მდგრადი განვითარების სამინისტროს, სემეკის, თბილისის მერიის და ელექტროენერგიის გადამცემი და გამანაწილებელი სისტემის ოპერატორების წარმომადგენლები.
შეხვედრაზე SHAREs პროექტის წარმომადგენლებმა მონაწილეებს გააცნეს ენერგეტიკული გაერთიანების სამდივნოს მიერ შემუშავებული პოლიტიკის გზამკვლევი ენერგეტიკული გაერთიანებების კონცეფციის შესახებ.
შეხვედრაზე ასევე მოეწყო დისკუსია საქართველოში ენერგეტიკული გაერთიანებების დანერგვის პერსპექტივებზე და გამოწვევებზე. კერძოდ, დისკუსიის დროს შეხვედრის მონაწილეებმა განიხილეს:
- როგორი უნდა იყოს ენერგეტიკული გაერთიანებების სტატუსი და ფუნქციები;
- ელექტროენერგეტიკული ქსელის მზაობა ენერგეტიკული გაერთიენებების მიერ გამომუშავებული განახლებადი ენერგიის წყაროების ინტეგრაციისთვის;
- სახელმწიფო უწყებებში მიმდინარე პროცესი ენერგეტიკული გაერთიანებების მარეგულირებელი ჩარჩოს მიღების პროცესის შესახებ;
- ადგილობრივი ხელისუფლების შესაძლო როლი ენერგეტიკული გაერთიანებების მხარდაჭერაში.
შეხვედრაზე მიღებული ინფორმაციის შესაბამისად დაიგეგმა შემდგომი ღონისძიებები და აქტივობები.